[linux-support] dhcpcd bekommt keine IP

[buri <buri at gmx.ch>]

säli zäme,

mi router überchunnt sit churzem kei IP Adrässe meh. Wenn i e angeri win
oder linux-box ahänke geits problemlos.

I ha e cablecom aschluss. D netzwärkcharte isch e realtek RTL-8029. Dr
Router louft unger SuSE Linux.

Mehreri Sache hani scho probiert. 

Wo mehr das letschte Sunnti zersch mau isch passiert, (bi ufstarte kei
IP becho) hani x mau probiert mit rcdhclient start das wieder häre
z'bringe. Aber ohni Erfolg. schliesslech hani nähre mau aui
netzwärk-sache abegfahre ( firewall, dhcp(uf em angere if am loufe),
sshd, named etc.) bis nur no so kernel-prozässe, minigettys etc isch
glofe. und nähre hani wieder probiert wi wild und plötzlech isch es de
gange. 

stromusfau - router neu gstartet - kei IP. s'gliche spili - kei erfolg.

a was cha das lige?? I bi so wit das das Ding itz de grad neu
installiere..... (wenni nume es floppy-drive hätt)

gruss
buri